Jokoaren arauak alemanez idatzita zeuden eta Europako Banku Zentralak eta Angela Merkelek idatzi zituzten. Ustezko "adituen" batzorde horretan zeuden ordezkari gehienak banketxe eta aseguru etxeen patronalei lotutakoak ziren. Beraz, ez da harritzekoa kaleratu zuten txostenaren ildoa. Hau da, pentsioak murrizteko proposamena eta esparru "goxo" hori pentsio pribatuei zabaltzeko proposamena egin izana. Gogora dezagun, 1993an antzerako irizpide eta kalkuluak erabiliz 2010erako pentsio sistema publikoaren porrota aurre ikusi zutela oraingoak bezalako beste "aditu" batzuek.

Urte hauetan era guztietako eraso, murrizketa eta inposaketa jaso dugu. Euskal Herriari erabakitzeko eskubidea ukatzen zaio, neurri eta politika propioak egiteko ahalmena, herri bezala egoerari aurre egiteko aukera. Ondorioz, gurea ez den aginte baten menpean kokatzen da gure etorkizuna, herri bezala gure borondatea bahitzen den bitartean. Horretan datza benetako arazoa.

Oskar Matute ha sido entrevistado en Info7 irratia sobre la Huelga General.

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

EH Bildun uste dugu bestelako politika ekonomiko eta soziala garatzea guztiz posiblea dela. Rajoyren eta Barcinaren gobernuak tematuta daude bizi dugun egoera ekonomiko eta sozial larria istripu meteorologiko huts bat dela sinestaraztean, eta egoera horren aurrean dagoen jokaera bakarra eurena dela baieztatzen dute irmoki. Modu horretan, krisiaren karga klase langilearengan eta herritar xumeen bizkarrean utziz.

Hori gezurra da! Krisia ez da besterik gabe etorri. Diru eta baliabide publikoak modu lotsagabean erabiliz aberastu direnek eragin dute krisia, herritarrentzat inolako zerbitzu eta balio erantsirik ekarri ez duten negozioetan milioika euro irabazi dituzten horiek. Egun ez genuke halako krisi latzik pairatuko Gobernu eta enpresa korporazio handiek baliabide eta inbertsioak zementura eta finantza espekulaziora bideratu ez balituzte, eta horren ordez, enplegua bematzera eta herritarren bizi kalitatea hobetzera zuzendutako jarduera ekonomikoa bultzatu izan balute. Ez da egia krisia gure ahalmenen gainetik bizitzetik etorri denik. Eurak, eurak bakarrik, bizi izan dira maharaja moduan, gainontzeko guztion lanaren eta zergen kontura.